‘Oku lolotonga ‘i Ha’apai foki ‘a e ‘Eiki Minisita ‘o e Potungaue Ngoue, Me’atokoni mo e Vao’akau, ‘i He’ene fuofua Me’a ‘A’ahi mai ki he vahefonua ni.

Ko e taumu’a foki, Ke fe’iloaki mo ‘ene ongo potungaue pea mo me’a tonu ki he’enau fakahoko fatongia mo e tu’unga ‘oku na ‘i ai.

Ne ta’imalie foki ‘a e kau Ngoue mo e kau Tauhi Monumanu ‘o e vahefonua ni, he foaki pale ‘o e pongipongi ni (Falaite 20/2/2026). Ko e fakahounga ‘a e kakava kuo too ‘e he kau Fa’a ‘o Tokanga mo e kau Tauhi Monumanu.   Ko e ‘a’ahi foki ko ‘eni ne fakahoko ia he faka’osinga ‘o Tisema, 2025. Na’e fe’auhi kehe pe ‘a e Vahe Lifuka mo Foa pea fe’auhi kehe pe ‘a e Vahe Motu.  ‘Oku hounga’ia e Potungaue he kei kavekavea’u e faifatongia ‘a e kau Ngoue mo e kau Tauhi Monumanu ‘o Ha’apai.  Fakamalo ki he OIC, Sila ‘Isitolo mo ‘ene kau ngaue he fai fatongia ‘osikiavelenga hono paotoloaki e taumu’a ngaue ‘a e Potungaue.